Биир дойдулаахтарбыт кинигэлэрэ.
Кондратьев, Ариан Андреевич. Дьол манна баар: оҥой-соҥой көрбүт оҕолорго туһалаах хоһооннор.
Күннээҕи түбүк, олох-дьаһах туһунан тэттик хоһооннор оҕоҕо төрөөбүт тылынан саҥарарыгар, төрүт үгэстэрин билэригэр үөрэтэллэр.
Нельбисова, Галина Васильевна.Чып кистэлэҥинэн…:сэһэн.
Төрүүр дьиэҕэ биир күн бэбээрэ түспүт уоллаах кыыстарын ийэлэрэ сылаас түөстэригэр ыга кууспуттара, биһиктэригэр нөрүйэн, оҕолорун инники дьылҕатын түстүүр,алгыыр тыллары аргыый сипсийбиттэрэ…Бу уоллаах кыыс сэрэйбэтэх сэрэбиэйдэрэ, түһээбэтэх төлкөлөрө хайдах салаллыаҕай? Чып кистэлэҥ арыллыа дуо…Ол барыта дьиэ кэргэҥҥэ сыһыан, сиэр -майгы, таптал, уйулҕа нарын кылларын таарыйан көрдөрүллэр.
Иванова, Галина Никитична-Айтыына. Күнүү содула:кэпсээннэр.
Олох түһүүлээх-тахсыылаах суола -уһун айан, хас биирдии киһи ол алгыстаах аартык айанньыта. Олоҕуҥ суола суон сурахтаах буолара дуу, хараҥаҕа барбах эрэ ыйдаҥардар ыллык буолара дуу — тус бэйэҕиттэн эрэ тутулуктаах. Кинигэҕэ киһи сирдээҕи олоххо аналын, Дьылҕа хаан тургутуутун — киһи соһуччу көрсөр кыһалҕаларын, очурга оҕустарыытын, тапталга бэриниитин уонна таҥнарыытын туһунан кэпсээннэр ааҕааччы сэҥээриитин ылыахтара.
Эдуард Романов.Тутааччы.Көҥүл Боотур.
Оҕо сааһыттан сахалыы тыыҥҥа , сахалыы үгэскэ иитиллэн, оскуолаҕа үөрэҕэр тыыппалаах уол улаатан тутааччы -инженер идэтин ылан түөрт уон сыл тухары сүүрбэттэн тахса федеральнай, өрөспүүбүлүкэ суолталаах тутуу обьектарын туппут Эдуард Романов туһунан чугас дьоннорун, доҕотторун ахтыылардаах кинигэтин ааҕыҥ, сэҥээриҥ.