Сэтинньи 25 күнүгэр саха суруйааччыта, прозаик, поэт, Аҕа дойду Улуу сэриитин кыттыылааҕа Тимофей Сметанин төрүөбүтэ 105 сылыгар кини оҕолорго анаабыт айымньыларын билиһиннэрэр сыаллаах Элгээйи орто оскуолатын иккис, үһүс кылаастарын оҕолоругар «Тимофей Сметанин – оҕо суруйааччыта» литературнай уруоктар ыытылыннылар. Тимофей Сметанин олус кылгастык да олорон аастар, олус элбэх кэрэ айымньылары норуотугар бэлэхтээбитэ. Суруйааччы оҕолорго анаабыт айымньылара: «Күѳрэгэй», «Куоска олоңхото», «Кыhыл былааттаах кыыс» пьеса, «Уол уонна эhэ» сценка. Кини оҕолорго суруйбут Мэхээлэчээн булчут бэл этэрбэhэ чаархаан буолар, тѳбѳтүгэр кус сымыыттыыр, кутаттан бѳрө таhаарар, оннооҕор кини эhэни миинэн турардаах. Тимофей Сметанин суруйар тылы кѳрдѳѳх, уран, онон оҕону түргэнник тардар. Оҕолор суруйааччы олоҕун туһунан презентация көрдүлэр, айымньыларын дорҕоонноохтук аахтылар, «Күөрэгэй” остуоруйаны истэн баран, осторуйаны хайдах ылыммыттарын, өйдөөбүттэрин уруһуйдаатылар.Саха литературатыгар ѳлбѳт – сүппэт айымньылары биэрбит Тимофей Егорович айар үлэтин үгэнигэр, 28 эрэ саастааҕар күн сириттэн арахсыбыта. Биир дойдулаахтара кини чаҕылхай талаанын «Халлааны суруйар сулус уотун кэриэтэ, күүскэ күлүм гыммыта» дииллэрэ оруннаах.
