Новости

Кулун тутар 6 күнэ — СӨ оскуолаларын үтүөлээх учуутала, саха биллиилээх суруйааччыта Иван Герасимович Иванов –Уйбаан Нуолур төрүөбүт күнэ.

Убаастабыллаах ааҕаачыларбыт биир дойдулаахпыт Уйбаан Нуолур төрүөбүт күнүгэр кини аатыгар сүгүрүйэн нэһилиэк олохтоохторугар

« Уйбаан Нуолур кинигэтэ мин дьиэтээҕи библиотекабар»  күрэс  тэрийэр.

Күрэс балаһыанньата.

1.Уопсай балаһыанньа

1.1.Күрэс СӨ Култуура, улууска – улуус номоҕун уонна сайдыытын, нэһилиэк төрүттэммитэ 255 сылларын чэрчитинэн  уонна биллиилээх педагог, талааннаах суруйааччы Иван Герасимович Иванов –Уйбаан Нуолур айымньыларын тарҕатыыга ананар;

1.2.Күрэҕи тэрийээччилэр: Уйбаан Нуолур аатынан Элгээйи модельнай, К.Е.Иванов аатынан  Элгээйи орто оскуолатын библиотекалара.

2. Күрэс сыал-соруга:

2.1. Сыала: саха кутун туппут айымньылардаах суруйааччы И.Г.Иванов –Уйбаан Нуолур айымньыларын ааҕааччылар ортолоругар тарҕатыы, кинигэни таптааһыҥҥа, ааҕыыга тардыы, дьиэ кэргэн библиотекатын сайыннарыы.

2.2. Соруктара:

  • Уйбаан Нуолур айымньыларын ис хоһоонун дириҥник өйдөөһүҥҥэ көҕүлээһин;
  • Дьиэ кэргэн иһигэр кинигэни ааҕыы үгэһин сөргүтүү уонна сайыннарыы;
  • Ааҕааччылар айар уонна чинчийэр дьоҕурдарын сайыннарыы;
  • Саха литературатыгар, култууратыгар интэриэһи үрдэтии.

3. Күрэскэ кыттааччылар:

3.1. Күрэскэ бары баҕалаахтар, кинигэни таптааччылар кыттыахтарын сөп.

3.2.Биирдии номинацияҕа кыттыы иһин 100 солк. төлөбүрдээх (төлөбүргүтүн Семенова Татьяна Афанасьевна 89141144083 сбербанк, Алмазэргиэнбанк ыытаҕыт).

  • Кыттааччылар маннык саас араҥаларынан арахсаллар:
  • Бастакы бөлөх: 1-4 кылаас   үөрэнээччилэрэ;
  • Иккис бөлөх: 5-8  кылаас үөрэнээччилэрэ;
  • Үһүс бөлөх:9-11 кылаас үөрэнээччилэрэ уонна устудьуоннар;
  • Төрдүс бөлөх: Улахан дьон ( 18 саастаах уонна онтон үөһээ)
  • Бэһис бөлөх:  Дьиэ кэргэн (түмсэн кыттыы)
  • Күрэс хайысхалара:

Кыттааччылар Уйбаан Нуолур айымньыларыгар ооҕуран маннык үлэлэри ыыталлар:

  • “Мин аахпыт кинигэм, айымньым туһунан” (кинигэҕэ ырытыы)

Уйбаан Нуолур биир айымньытын талан, кини туһунан ырытыы суруйуу. Онно кинигэ ис хоһоонун, сүрүн санаатын, дьоруойдарын, бэйэ санаатын, тугу саҥаны арыйбытын суруйар.

  • «Уйбаан Нүолур кинигэлэрэ мин дьиэ кэргэним библиотекатыгар” (Видео уһулук) : Дьиэ кэргэн Уйбаан Нуолур кинигэлэрин, айымньыларын   ааҕарын, кинигэлэр тустарынан бэйэлэрин санааларын көрдөрөр уһулук ( 3-5 мүнүүтэ);
    • “Уйбаан Нуолур айымньыларын ааҕабыт (хоһоон ааҕыыта)” Уйбаан Нуолур хоһооннорун эбэтэр айымньыларыттан быһа тардыылары уус-ураннык ааҕыы. (Видео уһулук);
    • “Мин Уйбаан Нуолуру кытта көрсүһүүм (айымньылаах үлэ)” Суруйааччы олоҕуттан эбэтэр айымньыларыттан интэриэһинэй түгэни суруйуу;
    • “Уйбаан Нуолур айымньытын ыраастык устуу (буочар күрэһэ)” биир А 4 кумаҕыга эбэтэр биир тэтэрээт лииһин сирэйигэр  Уйбаан Нуолур ханнык баҕарар айымньытттан быһа тардан ыраастык, каллиграфическай буочарынан устуу.
  • Үлэҕэ ирдэбиллэр:
    • Биир кыттааччы хас да номинацияҕа кыттыан  сөп, ол эрээри биир номинацияҕа биир эрэ үлэни ыытар;
    • Үлэлэр күрэс сыалыгар-соругар сөп түбэһиэхтээхтэр;
    • Үлэлэр айымньылаах , ураты, бэйэ оҥорбута буолуохтаахтар;
    • Кинигэҕэ ырытыы саха тылынан суруллубут,  сирэй кээмэйдээх буолуохтаах. Компьютерга бэчээттэммит, шрифта 12 Times New Roman  буолуохтаах;
    • Видео уһулук үрдүк хаачыстыбалаах, монтажтаммыт, анал муускунана оҥоһуллубута биһирэнэр. Сыылка эбэтэр эл.почталарга elgyay_bibl@mail.ru , ecoch75@mail.ru ыытыллыан сөп;
    • Хоһоон ааҕыыта үрдүк хаачыстыбалаах видеоҕа устуу; Айымньылаах үлэ (буочар) А4  форматтаах;
    • Үлэ кэннигэр кыттааччы аата-суола, сааһа, олорор сирэ, үлэ аата суруллуохтаах.
  • Үлэни тутуу болдьоҕо
    • Үлэлэри тутуу  2026 сыл кулун тутар 4 күнүттэн  кулун тутар 25  күнүгэр диэри ыытыллар.
    • Үлэлэри Уйбаан Нуолур аатынан Элгээйи модельнай библиотекатыгар, эбэтэр К.Е.Иванов аатынан Элгээйи орто оскуолатын библиотекатыгар тутабыт эбэтэр электроннай почтанан: elgyay_bibl@mail.ru , ecoch75@mail.ru

Болдьох кэнниттэн киирбит үлэлэри көрүллүбүттэр.

  • Үлэни сыаналыыр критерийдэр

Сыаналыыр сүбэ үлэни маннык критерийдэринэн сыаналыыр:

  • Темаҕа сөп түбэһиитэ;
  • Айымньылаах буолуута, уратыта;
  • Оҥоруу хаачыстыбата, сатабыла;
  • Ис хоһоонун дириҥэ;
  • Саха тылын күүһү, кэрэтин туттуу
  • Сыаналыыр сүбэ
    • Күрэс үлэлэрин сыаналыырга учууталлар, библиотекардар, култуура үлэһиттэрэ киирэр сыаналыыр сүбэ тэриллэр.
    • Сыаналыыр сүбэ чилиэннэрэ үлэлэри ымпыктаан-чымпыктаан көрөн, кыайыылаахтары быһаарар.Сыаналыр сүбэ быһаарыыта мөккүөрэ суох буолар.
  • Түмүктээһин уонна наҕараадалааһын

9.1.Күрэс түмүгэ кулун тутар 31 күнүгэр тахсыаҕа;

9.2. Хас биирдии номинацияҕа уонна саас араҥатыгар 1,2,3 миэстэлэр бэриллиэхтэрэ;

9.3. Кыайыылаахтар Махтал суруктарынан, сэмэй бэлэхтэринэн наҕарадаланыахтара.

9.4. Анал ааттар эмиэ ананыахтара.

Баҕарабын эһиэхэ ситиһиини уонна Уйбаан Нуолур айымньыларын билиҥ, ааҕыҥ,  ааҕыыттан  үгүс үөрүүнү, билиини сомсуҥ!