«Төрөөбүт төрүт тылым…
Иитиллибит ийэ тылым». Күндэ
Олунньу 13 күнүгэр Төрүөбүт тыл уонна сурук-бичик күнүгэр аналлаах “Сахалыы дьыктаан — 2026” өрөспүүбүлүкэтээҕи аахсыйа Уйбаан Нуолур аатынан бибилэтиэкэҕэ ыытылынна. Саха сиригэр Култуура сылынан быйылгы аахсыйа Элгээйи нэһилиэгин култуура эйгэтин үлэһиттэригэр ыытылынна.
Норуодунай суруйааччы Дмитрий Сивцев-Суорун Омолоон «Чүөчээски» кэпсээниттэн быһа тардыыны СӨ Култууратын туйгуна, Элгээйи нэһилиэгин бочуоттаах олохтооҕо Эльвира Николаева аахта. Тэрээһиҥҥэ барыта 10 киһи кытынна. Дьыктаан түмүгүнэн «Бастыҥ суруксут» ааты Татьяна Семенова, «Үчүгэй суруксут» ааты Любовь Никитина ылан Добун суруктарынан бэлиэтэннилэр. Бары кыттааччыларга Туоһу сурук туттарылынна.
