Олоҥхо – саха норуотун тылынан уус-уран айымньытын муҥутуур чыпчаала, үйэттэн үйэ, көлүөнэттэн күлүөнэ тухары бэриллэн испит дириҥ ис хоһоонноох баайа. Сэтинньи 25 күнэ – Олоҥхо күнэ.Бу күн Олоҥхо декадатын чэрчитинэн Уйбаан Нуолур аатынан Элгээйи бибилэтиэкэтэ Өрөспүүбүлүкэтээҕи «Олоҥхо дьыктаана — 2025» аахсыйаҕа кыттыста.
Ол курдук, олоҥхоһут, норуот ырыаһыта Иннокентий Бурнашев-Тоҥ Суорун «Сылгы уола Дыырай бухатыыр» олоҥхотуттан быһа тардыыны “Оһуор” Култуура киинин методиһа Мария Чагдинская аахта. Дьыктааны барыта 16 киһи суруйда. Тэрээһин чэрчитинэн бибилэтиэкэҕэ «Олоҥхо – саха норуотун барҕа баайа» кинигэ быыстапката тэрилиннэ. Дьыктаан суруйуутун түмүгэ маннык буолла:
«Үчүгэй суруксут» — Герасимова Светлана Петровна,
«Бастыҥ суруксут» — Никитина Любовь Анатольевна,
«Бастыҥтан бастыҥ суруксут» — Петрова Надежда Александровна.
Таба суруйуу үөрүйэҕин сайыннарар, олоҥхо баай тылын-өһүн, билиини-көрүүнү кэҥэтэр сыаллаах ыытыллыбыт “Олоҥхо дьыктаана” аахсыйаҕа көхтөөхтүк кыттыбыт бар дьоммутугар, ааҕааччыларбытыгар махталбытын тиэрдэбит.
Олоҥхону ааҕыҥ, олоҥхону сэргээҥ, үөрэтиҥ!
